مالك يا قلبي شايل الهم
سارح وماشي وناسي الفرح
طايح في دنيا سواد وغم
دايما باكي ودمك ده طرح
إسود فـعروقك لون الدم
وإتلخبط لونك بلون القرح
مالك يا قلبي أبكم.. أصم ؟
أحي ترزق .. أم شهيد الفرح ؟
شايف سعدك وتقول ده سم
خايف أحسه يشق الجرح
إصحى يا قلبي وفوق م الوهم
وإبني لنفسك فـ السما صرح
مالك يا قلبي شايل الهم
إنسى يا قلبي عذاب السنين
وإدفن جروحك في تاريحها البعيد
شبح الماضي بليله الحزين
قوة ضعيفة لو إنت عنيد
ملكشي يا قلبي لراحتك حنين؟
وليله تعيشها وإنت سعيد ؟
ليالي المرض والألم والأنين
راحت لحالها بقدرة مجيد
لون حياتك وفي الشدة لين
وإركب حصانك وإرمح بعيد
وإرجع لفرح البنات والبنين
مع طلعة شمس في ليالي العيد
مالك يا قلبي شايل الهم
هتلاقي يا قلبي مدينة الخيال
خضرة وورد وشمس ونسيم
دنيا الكــــره فيها محال
وليلها أمان من عيون اللئيم
صحرها جنة ونخل وجِِمال
ورمله صافية وواحة عظيم
بحورها هادية حب وجَمال
سماها صافية ده خلق العليم
حلق بجناحك فوق التلال
تحتك روضة وفوقك غميم
واسكن عشة في أعالي الجبال
إلمح منها الخير والنعيم
ليست هناك تعليقات:
إرسال تعليق