عشان انت مصرى عشان انت مصرى لازم تعانى وتفقد كرامتك بكل المعانى وتحرق فى دمك سنين مش ثوانى واوعى تصدق كلام الاغانى بتاع الحضاره وكانى ومانى ده كله هجايص مايدخل ودانى عشان انت مصرى العذاب بيناديك بتبدا فى يومك حاجات بترازيك فى نومك فى قومك تعكنن عليك تضايقك ولسه العماص فى عينيك مافيش ميه تشطف صابونه فى ايديك وجسمك ملزق وريحتك عاديك فتلبس وتنزل وفيك اللى فيك ورايح لشغلك حتحتاج مواصله ادى المترو واقف وكهربته فاصله وفى الميكروباص خناقه وحاصله اوتوبيس فرامله عايزالها وصله وتوك توك ده تايه ومحتاج لبوصله بتوصل لشغلك بدم اتحرق فى زحمه وكتمه وحر وعرق رئيسك سايبلك كومه ورق ده غير دمغه ضايعه وملف اتسرق وفى كام مواطن عاملك قلق بيشكى تقول له روح اندعق وعركه وهوجه وشاى اندلق ومخك خلاص من الصداع اتفلق هترجع لبيتك ده لو كان فى بيت هتوصل هتندم ياريتك ماجيت مراتك بتصرخ خلاص استويت عيالك بتطلب وهات كيت وكيت تزعق تهاتى ياناس اتهريت ولاحد سامعك مهما هاتيت عشان انت مصرى وده للاسف فلازم تاسى تعيش تتقرف وكل الاساسى فى حياتك ترف فتنسى الكرامه وتنسى الشرف وتسرق وتنصب او تنحرف ودمعك بيجرى وجرحك نزف مش انت اللى مصرى؟؟؟ جتك القرف
Report Abuse Delete  Reply  Quote
Posted on 3/3/2008 9:37 AM
--- ------	Response to: NEZAR ALNADI                          انا  المصرى                      حالى كبقية كل المصريين انا المصرى اللى بيفهم فى الطب ويشخص المرض ويوصفلك الدوا وبيفهم فى النقاشة والكهربا وتصليح العربيات والطبيخ والسياسة والكورة وهو أساسًا أبيض يا ورد بيحط الريموت كونترول فى كيس بلاستيك كعادة فرعونية يقف يتكلم على الباب نص ساعة بعد إنتهاء الزيارة والسلام لمّا تفتح نملية المطبخ هتلاقي عنده عشرين برطمان بتاع مربى فاضيين بقالهم سنين ومازال مُصِر على جمع المزيد وييجي بعد معاده بساعتين ويفتكر إن ده عادى لسه عنده إصرار إنه يتكلم بصوت عالى في التليفون لما تكون المكالمة دولية عشان التانى يسمعه بيعتبر نفسه أفضل واحد في الشرا والفصال وبعد كده يكتشف إن الحاجة فى المحل اللى جنبه أرخص من غير فصال بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش عنده صينية مكسرات متقسمة لتلات او أربع أقسام لزوم المزاج وعمره ما إستخدمها بيشترى قبل الفطار فى رمضان مواد إستهلاكية أصلاً موجود عنده فى البيت ولسه ماستخدمهاش بيكون عنده شواية لزوم الرحلات أقصى إستخدام لها كان مرة واحدة فى العيد بيشيل طابع البريد من على الظرف لو الختم ما كانش عليه بيكون مشغول بقيمة الزيادة فى الاسعار طول الوقت يا ترى ربع جنيه ولا نص جنيه بيتخانق ساعة دفع اى حساب بحرارة شديدة على إنه هو اللى لازم يدفع بيفرش ملاية سرير على طقم الأنتريه عشان يفضل نضيف لما ييجى ضيوف وما بيشيلهاش برضه لما ييجوا والأهم إنه بيحب يسخر من نفسه ومن بلده وحكامه بس ما يطيقش حد تانى يسخر منهم م ن ق و ل
Report Abuse Reply  Quote
Posted on 3/18/2008 7:25 AM
NEZAR ALNADI  Online	Response to: --- ------ وجودك/عبدالرحمن باشا اسعدني و اعذرني انني لا املك وقتا حتي اشمر كمي و لا قادر ارد على الردود لاني وقتي ضيق جدا