oud fawzy مقدمة: اشرنا الي حديث الزوج باللون الاحمر تمهيدا لنهاية الحوار هو: حبيبتي ... انا حأطلب بيتزا ... عايزه حاجه؟ هي: لا ياحبيبي هو: اوكي هي: والا اقولك؟ هو: ها ... اطلب لك حاجه؟ هي: مش عارفه!!! هو: مش عارفه إذا كنتي عايزه؟ هي: لا هو: هي انتي جعانه؟ هي: يعني!!! هو: يعني ايه يعني؟ هي: يعني مش متأكده إذا كنت جعانه والا لا!!! هو: الواحد لما بيكون جعان بيعرف!!! هي: لا ... بس يمكن اجوع بالليل هو: يعني اطلب لك بيتزا؟ هي: طيب وإذا ماكنتش جعانه وقتها؟ هو: ماتاكليش!!! هي: بس كده يبقي تبذير هو: خلاص ... تبقي تاكليها بكره هي: وإذا ماكانش لي نفس اكل بيتزا بكرا؟ هو: مش محتاجه نفس ... الواحد عادي ممكن ياكل بيتزا كل يوم هي: انا لا ... انا مش باحب اكل البيتزا الا لما يكون عندي نفس لها هو: طيب بلاش ... اطلب لك حاجه تانيه؟ هي: بس انا مش عايزه حاجه تانيه!!! هو: يعني عايزه بيتزا؟ هي: لا!!! هو: يعني مش عايزه حاجه تانيه؟ هي: لا برضه هو: جننتيني ... طب اعمل ايه؟ هي: اطلب انت لنفسك!!! هو: الحمد لله ... اخيرا ... ماشي هي: بس اطلب البيتزا بالتونه هو: نعم ... ليه ان شاء الله ... انا مش بأحب البيتزا بالتونه هي: بس انا بأحبها هو: وانتي مالك!!! ... هو انا حاطلب لي والا ليكي هي: ليك انت طبعا!!! هو: طيب اطلبها ليه بقي بالتونه؟ هي: مش يمكن اجوع لما يوصل الاكل؟ هو: وبعدين؟ هي: ياسلام!!! ... يعني تفتكر حاكل حاجه مش عاجباني؟ هو: هو انت اصلا عايزه تاكلي؟ هي: ليه لا؟ هو: يامثبت العقل ... هو انا حاطلب بيتزا لي ... علشان احتمال انتي تاكليها إذا كنتي جعانه؟ هي: بالضبط!!! هو: وانا بلاش اكل؟ هي: يمكن وقتها اكون مش جعانه!!! ملحوظه محكمة الجنايات قررت تعديل تهمة الزوج من تهمة قتل الزوجة مع سبق الاصرار والترصد الي ... تهمة قتل الزوجه دفاعا عن النفس Report Abuse Reply  Quote Posted on 2/13/2008 7:46 AM blue lady Response to: mahmoud fawzy والله انا بموت فى البيتزا بس ممكن نخليها بسطرمه عشان مش بحب التونة فياريت يبعتوهالى بدل ما يموتوا بعض Report Abuse Reply  Quote Posted on 2/16/2008 5:47 PM mahmoud fawzy Response to: blue lady الراجل بتاع القصه ... وعد انه بعد ما يخرج من الحكم اللي هو واخده ... حيطلب لك بيتزا بالبسطرمه ... وهو عموما في مبدأ قانوني بيقول ان فعل القتل الثاني عادة ما بيأخذ حكم مخفف ... اطمئني Report Abuse Reply  Quote Posted on 2/17/2008 1:36 AM blue lady Response to: mahmoud fawzy ميرسى خالص وانا مستنية يخرج حسن سير وسلوك بنص المده بس ياريت يكون اخر الاسبوع عشان عاملة دايت ومش عاوزة ابوزة وياريت تكون اسبيسى وابقى تعالى خد حته معنا Report Abuse Reply  Quote